කිරිඇල්ල අමිත්ට කුණුහරුපෙන් බණියි

ලක්ෂ්මන් කිරිඇල්ල නම් මහාමාර්ග උසස් අධ්‍යාපන ඇමති තමන්ගේ සීමාව ඉක්මවා තිබේ.

නින්දිත ආකාරයට තමන් කළ වැරැද්දක් සාධාරණීයකරණය කිරීමට උත්සාහ ගත්තා පමණක් නොව මාධ්‍යවේදීන්ට සද්දය දමන්නටද පටන්ගෙන තිබේ.

අද පුවත්පතේ මාධ්‍යවේදී අමිත් මධුරංග සහෝදරයාට ඔහු බැණවැදී ඇත්තේ මාධ්‍යවේදීන් පෑන පශ්චාත්භාගයේ ගහගෙන ඉන්න එවුන්යැයි හඳුන්වමින් ය.

තමන්ට ඇති බලය පිළිබඳව පවසමින් අයිසේ ඇමතිවරයා පොන්නයෙක් නොවේ වැනි වචන සඳහන් කරමින් කිරිඇල්ල කර ඇති ප්‍රකාශය සම්පූර්ණයෙන්ම නින්දිත ප්‍රකාශයකි.

මේ යකා පාර්ලිමේන්තුවේ සභානායකවරයායි.

අද පුවත්පතේ වාර්තා කර තිබෙන ආකාරයට හා අමිත් මධුරංග සමඟ මා සාකච්ඡා කළ පසු ඔහු පැවසුවේ තමන්ට වක්‍රාකාරව තර්ජනය කරමින් ලක්ෂ්මන් කිරිඇල්ල මහතා බැණවැදුණු බවයි.


ලක්ෂ්මන් කිරිඇල්ල මේ කර ඇති බරපතල වැරැද්ද සම්බන්ධයෙන් වහාම සමාව ඉල්ලා සිටීම පමණක් ප්‍රමාණවත් නොවේ. ඔහු කළ යුත්තේ ඉල්ලා අස්වීමයි.

එහෙත් මේ කිසිවක් සිදු නොවනු ඇත.

මාධ්‍යවේදීන්ට සද්දය දමන කිරිඇල්ල වැනි චණ්ඩියන් බලයේ සිටින තෙක් යහපාලනය යනු කිසිදා ළඟා නොවන තත්වයක් බව පමණක් කිව හැක.

ලක්ෂ්මන් කිරිඇල්ලගේ වචන එබඳුනම් අපට පාවිච්චි කරන්නට වෙන්නේත් එබඳු වචනමය.

ඇමතියෝ මාධ්‍යවේදීන් කියන්නෙත් පොන්නයෝ නෙවෙයි. අපි එසේ කිරිිඇල්ලට අවධාරණය කළ යුතු ය.

තවත් මොනවා කතා කරන්නද? මහාමාර්ග ඇමති යහපාලනයට තාර දමා ඇත.