Showing posts with label උන්ගෙ කවි. Show all posts
Showing posts with label උන්ගෙ කවි. Show all posts

Thursday, December 01, 2016

තවත් බස් කතාවක්


අද අප්පච්චිලා ස්ට්‍රයික්. ගෙදරට වෙලා ඉන්නෙ. මමනං ඉස්කෝලෙ ආව. සීටීබීයෙක්ක. මං දැක්ක පේස්බුක් එකේ අප්පච්චිලට බයිනව. ඇමෝම. පන්තියේ ටීචත් බැන්න. යාලුවොත් බැන්න.
 
අප්පච්චිලා පාරෙ නීති කඩන්න ඉඩ දෙන්න කියලලු ස්ට්‍රයික් කරන්නෙ.

ඇත්ත තමා. අපපච්චිල ස්ට්‍රයික් කරන්නෙ නීති කඩන්න කියල තමා.

අප්පච්චිලට ඒක ස්ට්‍රයික් කරල ඉල්ලගන්න වෙලා. ඒ අයිතිය. 

Wednesday, May 04, 2016

ටෝචර්කරණය

මහින්ද රාජපක්ෂට ස්මාර්ට්ෆෝන් එකෙන් වධ දී තුටු විය හැකි ටෝචර් හිම් නම් ඇප් එක දැන් මාතෘකාව වී ඇත.

මේ ටෝචර්කරණය වූ ලෝකයකි.. ලංකාව රටක් විදියටත් සමාජයක් විදියටත් ආයතනගත ටෝචර්කරණයක් ඇති රටකි..

Sunday, March 06, 2016

රෙද්දෙ නිදහස නිසා පුතේ දැං මං Jobless


නාඬ ඉඳපං පුතේ
සතපහක් නෑ අතේ
ගොඩක් අයගේ මතේ
මගෙ වැරැද්දලු පුතේ

බඩගින්න උහුලන්න
පුත ටිකක් ඉවසන්න

මුළු රටම දැක තියෙන
මගෙ මූණට
අලුත් රස්සා නැහැලු පුතේ
මගෙ වැරැද්දලු පුතේ

Tuesday, December 22, 2015

සොරි මචං....


වැරදි අපි වෙන්න ඇති
හැමෝම කියන්නෙ එහෙමයි
ගල් ගහන්නෙ අපට..
පවුකාරයෝ අපි වෙන්න ඇති
කරදරයක් වුණානං සොරි මචං...

බල්ලො වගෙ තමයි බං.
අපි බල්ලො තමයි බං
සමාවෙයං
හදිසි ගමනක් යන මිනිස්සු
වැඩ ඇරී යන මිනිස්සු
රෝහලට යන මිනිස්සු
අවහිර කළා අපි මචං
වැරදි වෙන්නැති මචං

ඒත්,
බයික් එකේ ආ ගමන
උඹේ වැඩකට වෙන්න ඇති
මේ තරහ
ඒකට පරක්කුව හින්ද වෙන්නැති..

Friday, November 20, 2015

චුට්ටි සහ මේනකා

වෙලාව රෑ එකොළහයි!! මරදානේ ඉඳන් මම කොටුව පැත්තට පයින් එනවා!!

නීතිය විසඳන ශ්‍රේෂ්ඨාධිකරණය පැත්තේ ඉඳන් විනිසුරු අක්බාර් වීදිය දිගේ එනකොට ඇයව පේනවා!! ඇය බට්ටී විය හැකියි! චුට්ටි විය හැකියි! තරුණයි පුංචියි!! මම ඇයව දන්නවා... එකොළහේ ඉඳන් දොළහ වෙනකන් ස්ටේෂන් එක ඉස්සරහ ඉන්නේ එයා... මාර කටක් තියෙන්නේ!! ෆුල් එකකට ගාණ තුන්දහයි!! යට විතරක් නං එකහමාරයි!! එයා හරි ගණන්!!

Sunday, October 18, 2015

සුජියාට ලියමි....



කීර්ති ලොකුලියන සහෝදරයාගේ කවියකට පිළිතුරකි..........


















සුජියො මට තේරෙනව

මේ තමයි ජීවිතේ

කරුමෙ නං නෙවෙයි බං

අපට දුන් ජීවිතේ



ළමයින්ට කියාපන්

පෝන් එක අතට ගෙන

පෝන් තියෙනා උන්ට

උපාසක සමාජෙට

හිනාවෙන පරයන්ට

කියාදෙන්නැයි කියා

අපට මේ ජීවිතේ - තොපි දුන්නු ජීවිතේ



උගන්නාපං උන්ට මේ වළෙන් ගොඩ එන්න

බුදුන්ටත් හැමිණෙන්ඩ කියාදීපං උන්ට

තනියෙන්ම බුදු නොවී සෙට් වෙලා බුදු වෙන්ඩ

අපෙ විහිළු ජීවිතත් අරන් නිවනට යන්න


කීර්ති සහෝදරයාගේ කවිය

සුජී ඔය ෆෝන් එක
දීපන්කො කීවාට
මං කොහොම දෙන්නද
ෆෝන් එක කාටවත්
මාත් ආසයිනෙ බං
උඹේ හඬ අහන්නට

අැගපතේ අමාරුව
නිසා බං හැන්දෑවෙ
වෙනද වගෙ මං ගැහැව්ව
වෙල් කසිය බාගයක්
ඉන් පස්සෙ වුන දෙයක්
මතකයක් නෑ බං
උඹ කතාකර බවක්
පොඩි දෝනි කිව්ව මට
කඹුරළා උඹ එවන
එකම එක දොයිතුවක්
මං ගත්තෙ නෑ බං
මගේ තනි වියදමට
ලොකු කෙල්ල ඒ සල්ලි
ගානටම මිම්මටම
ඉනේ ගහගෙන ඉන්නෙ
කෑව බීවත් හරියට
උඹ ගියේ අරාබියෙ
අපේ නැති බැරි කමට
පලු යන්න බැන්නත්
මං උඹට පින්දෙනව
මගේ නැහැ බොරුවක්
වෙනද වාගෙම තමයි
ඉඳල හිටලා කසිය ගැහැවත්
මං උඹේ සුජිය බං
කවුද අලුගුත්තේරුවෙක්
උඹේ අර කතාවම
රටවටේ අවුළාල
අම්මාට හැමිනෙන්න
අනේ බං මගෙ කුසුම‍ො
මේ ඉන්න පාහරයො
පට්ට ආතල් ගන්නෙ
අපේ දුප්පත්කමින්




ෆේස්බුක් වින්දනය

Thursday, October 15, 2015

එල්ලන්ඩ නියමිත උං

මං පොලේ ගැහුවෙ 
මගෙ පොඩි එකා
වැරදියිද? හා......

මගෙ ගෑණි මුහුදට දානකොට
ඇයි තොපිට රිදෙන්නෙ?

කූඩුවේ හිර කෙරුවෙ
මගේ මහ එකා
බොලව් තොපි මොකද
කලබල වෙන්නේ?

මගේ කෙල්ලට යකෝ
බිම දාං මං ගැහුවෙ

තමන්ගේ උන්ට
ආදරය නොකළ අපට
ආදරය කරන්නට
ඉඩ නොදුන්නේ කවුද?

තමන්ගේ උන්ට විතරක් 
ආදරේ කරපු උං

එල්ලපල්ලා උන්ව....