ලංකාවේ ඉසයිප්‍රියා ගැන තමිල්නාඩු ෆැන්ටසිය

ඉසයිප්‍රියා ගැන කරපු ෆිල්ම් එක  රිලීස් කිරීම වළක්වන තීන්දුවක් මැඩ්‍රාස් හයිකෝට් එක දීලා.

ඉසයිප්‍රියා ෆිල්ම් එක ගැන වැඩිය කියවන්න කරන්න අවස්ථාවක් ලැබුණෙ නැහැ මට. ෆිල්ම් එක ගැන දන්නෙත් නැහැ මම. කොහොම වුණත් වාරණ නියෝග වගේ දේවල් හරහා කලාවට තියෙන නිදහස සීම කිරීම එතරම් සුදුසු නැහැ.

(කලාවට තියෙන නිදහස පාවිච්චි කරල සැබෑ සිදුවීම් විකෘති නොකිරීම කලාකරුවා සතු වගකීමක්)

ඒත් දැනගන්න තියෙන විදියට ඇගේ පවුලේ අයත් ඒ ෆිල්ම් එකට විරුද්ධව කතා කරල තියෙනව. ඔවුන්ගේ විරෝධය ඒ අයගේ චරිත පවා මේ ෆිල්ම් එකට ගත්තත් හරි අධ්‍යනයක් කරලා නොතිබීම.

ඒ කියන විදියට හරි අධ්‍යනයක් කරලා නැත්නම් ඒකත් ප්‍රශ්නයක් තමා.

ලංකාවේ දෙමළ චිත්‍රපටි අද්‍යක්ෂ කේසවරාජන් නවරත්නම් කියන්නෙත් ඔහු දන්න විදියට මේ චිත්‍රපටය නිෂ්පාදනය කළේ ලොකු අධ්‍යනයක් නැතිව බවයි.

ෆිල්ම් කරන්න ඕන කෙනෙක්ට අයිතිය තියෙනව. ඒ නිසා ඒ ගැන එතැනින් එහාට කතා කරල තේරුමක් නෑ......

කේසව්  කියන්නේ  ඇය තමන්ගේ   දුවෙක් වගේ කියල.

කේසව් එක්ක එකට වැඩකරපු ඉසයිප්‍රියා කියන දක්ෂ කෙල්ලව මරා දැමීම ගැන ඔහුට තියෙන්නෙ ලොකු වේදනාවක්.

ඉසයිර්පියාට වැඩ කරන අතරේ ඇයට විහිළුවක් කළොත් ඇය ලැජ්ජාවෙන් අයියෝ නා ඉල්ල කියන ස්වරයෙන්ම යුධ හමුදාව විසින් ඇයව දූෂණය කළ බව පෙන්වන වීඩියෝවේ කතාකරන වව කේසව් කියනව. නෝෆයර් සෝන් චිත්‍රපටියේ ඉන්නේ ඇයම බව ඔහුට විශ්වාසයි.

ඉසයිර්පියා වගේම බාලචන්ද්‍රන්වත් ඔහු අඳුනගන්නවා. ප්‍රභාකරන්ගේ තිබුණ ධෛර්‍යසම්පන්න බැල්මම බාලචන්ද්‍රන් හමුදා කඳවුරක් තුළ ඉන්න ෆොටෝ එකේ තියෙන බව ඔහු කියනව.

එහෙම වුණත්..

ඉසයිප්‍රියා වගේම බාලචන්ද්‍රන්ගේ කතා ෆිල්ම් විදියට තමිල්නාඩුවෙ අය නිර්මාණය කිරීම ගැන ඔහුට  තිබුණෙ අප්‍රසාදයක්.

කේසව්ට ඉන්දියාවට ගිහින් තමිල්නාඩු නිෂ්පාදකයෙක් හරහා මේ කතා දෙකෙන් කරන්න අවස්ථාව ලැබුණත් ඔහු කැමතිවුණේ අමාරුවෙන් හරි ලංකාවේ ඉඳන් ලංකාවෙ දෙමළා දැන් මුහුන දෙන අභියෝග ගැන ජීවිතේ තියෙන තාක් නිර්මාණ කරන්න.

යුද්ධ කරපු යුගය අවසාන බව ඔහු විශ්වාස කරනවා.

යුධයේදී වුණ දේ ගැන සංවාදයක් ඕන බව ඇත්ත. ඒත් ආයේ යුද්ධ කරන්න නෙවෙයි. යුද්ධයට සැබෑහේතු හොයලා නිවැරදි කරන්න.

කේසව් තමන්ගෙ ෆිල්ම් එක කර්න්නෙත් යුද්ධයෙන් පස්සෙ මිනිස්සු මුහුණදෙන ප්‍රශ්න ගැන.

යුද්ධය ගැන අතීතකාමයත් යුද්ධය උත්කර්ෂයට නැඟීමත් සිංහල දෙමළන් දෙපැත්තෙන්ම සිද්ධවෙනවානම් ඒක වැරදියි.

යුද්ධයට කිසිම සම්බන්ධයක් නැති සිවිල් වැසියන්ව මරපු දෙපැත්තෙම අය තමන් කරපු දේවල්වල අඩුපාඩු දැකිය යුතුයි.

යුද්ධය වේදනාවක් බව දැකිය යුතුයි.

ප.ලි.

මම හිතන්නෙ ලංකාවේ යුද්ධය ගැන කරපු හොඳම ප්‍රකාශය තමයි ලක්ෂ්මන් කිරිඇල්ල කියපු කතාව. නිසි ඇගයීම නොලැබුණත්.

'ඕන ගොනෙකුට යුද්ධ කරන්න පුළුවන්.'

මම හිතන්නෙ. යුද්ධ කිරිල්ල නෙවෙයි නොකර ඉන්න එකයි හපන්කම. ඒක තමයි අමාරු  වැඩේ