Tuesday, December 22, 2015

පුරුදු වෙනස් කරන්නේ කොහොමද?

මේ සිද්ධිය මං මගේ ස්ටයිල් එකට ලියන්න හිතානෙ හිටියා.. ඒත් උපුල් අයිය ලියල.. ඉතින් ඒක උස්සලා පළකරන්න හිතුවා..

මේ සිද්ධියේදී මං සද්ද නැතිව හිටයා.. මං හිතුවේ මොනවත් නොකර ඉන්න.. ඒත් උපුල් සහ වරා ඒ වෙනුවට යම් මැදිහත්වීමක් කළ යුතුයැයි සිතුවා... 

සොරි මචං....


වැරදි අපි වෙන්න ඇති
හැමෝම කියන්නෙ එහෙමයි
ගල් ගහන්නෙ අපට..
පවුකාරයෝ අපි වෙන්න ඇති
කරදරයක් වුණානං සොරි මචං...

බල්ලො වගෙ තමයි බං.
අපි බල්ලො තමයි බං
සමාවෙයං
හදිසි ගමනක් යන මිනිස්සු
වැඩ ඇරී යන මිනිස්සු
රෝහලට යන මිනිස්සු
අවහිර කළා අපි මචං
වැරදි වෙන්නැති මචං

ඒත්,
බයික් එකේ ආ ගමන
උඹේ වැඩකට වෙන්න ඇති
මේ තරහ
ඒකට පරක්කුව හින්ද වෙන්නැති..

Monday, December 21, 2015

මෛත්‍රී යාපනේ ගිහිං?

ජනාධිපතිවරයාගේ යාපනය සංචාරය සහ එහිදී කළ කතාවට හොඳ ප්‍රතිචාර ලැබෙමින් තිබේ.

සැබැවින්ම ඒ කතාව ප්‍රශංසා සහගතය. 

සංචාරයේදී ඔහු මුගාම් වලට ද ගොස් තිබිණි. යාපනයේ අවතැන්වූවන් නැතැයි රාජපක්ෂලා පැවසූ පසුබිමක ඔහු මුගාමයට යෑමවත් හොඳය. හැබැයි ගිහින් බයිල කියවලා එනවා නොව ඒ මිනිසුන් වෙනුවෙන් වැඩ කළ යුතුය. (මුගාම් ගැන ලියූ ලිපි 2  )

Monday, December 14, 2015

ජඩම පන්තිය ..


 ක්ලබ් මාෆියා ආට්ස්.. බෝඩ් ලෑල්ල මකන්න ගුරුවරුන්ට ඕන වුණෙත් නෑ
පාල කියන්නේ තිරසට. මිනිහට ප්ලූටෝ කියලත් කිව්වා. බුලත් විටක් කාගෙන පන්තියේ පිටිපස්සේ පේළියේ කපුගේගේ සින්දුවක් කියාගෙන ඉන්නේ පාල. පහුගිය දවසක බස් එකේදී එකපාරම පාල මුණගැහුණා... 

'අඩෝ £^%&"W^%&' ආමන්ත්‍රනෙන්ම තේරුණා ඉස්කෝලේ සෙට් එකේ පොරක් කියලා. බලද්දී පාල. මිනිහ වගේ දෙකක් විතර සයිස් කෙල්ලෙක්ව තුරුල් කරගෙන ඉන්නවා. මේකා අපට හොරෙන් බැඳලාවත්ද?


Sunday, December 13, 2015

ඇවන්ගාඩ් ජෝක්ස්...

ඇවන්ගාඩ් සෙල්ලම එකේකාකාරයේ මුහුණුවරවල් වලින් සැරෙන් සැරේ මතුවෙන්නේ ය.


ගෝඨා සහ සේනාධිපති. (මේක එඩිට් කරපු ගතියකුත් තියෙනව. වැරදිනං නිවැරදි කරන්න)
වැඩේ කියන්නේ පුදුමාකාර විදියට ඇවන්ගාඩ් වෙනුවෙන් පෙනී හිටින සෙට්  එකකුත් සිටීම ය.

ඒ පෙනී හිටින්නන් ඉදිරිපත් කරන තර්ක රැසක් සත්‍යය සඟවා ඉදිරිපත් කරන ඒවා බව පැහැදිලි ය. 

උදාහරණයක් නං ඇවන්ගාඩ් නීතිවිරෝධී ලෙස ආණ්ඩුවට පවරගත්තා කියනා තර්කය යි.

Friday, December 11, 2015

මිනිස්සු මැරෙනව..

ගිය සතියෙ සෙනසුරද හිටියෙ මඩකලපුවේ කාන්තන්කුඩි වෙරළේ.
කාන්තන්කුඩි වෙරලේ! ෆර්හාන්, ශිහාන්, ජයසූරියන්, උඩූ

කාන්තන්කුඩි ප්‍රසිද්ධයි මාළු වලට. ඒ වගේම මෑත කාලේ කාන්තන්කුඩි ගැන ගෙතුව කතා බොහොමයි.. 

ඒ ගමනේදී උණුසුම් ආගන්තුක සත්කාර. සහෝදරත්වය. රසවත්ම කෑමබීම මුණගැහුණා.. නිසංසල මඩකලපුව තමයි දැන් බාහිරව ගත්තම මගේ ප්‍රියතම නගරය!!! (අභ්‍යන්තරව මේ නගරයෙත් තියෙන්නෙ වේදනාව)

අඩෝ බස්සි

බදුල්ල පාක් එකේ තමයි මං මුලින්ම බස්සෙක්ව දැක්කේ..

ඩයල් එක බස්සෙක්ද බස්සියෙක්ද කියල නිච්චි නෑ සිරාවට..


කූඩු කළ බස්ස හීන දැක්කට බ්ලොග් ලියන්න නෑ නිදහසක්!!!
පාක් එකේ සත්තු කිහිපදෙනෙක් හිටිය.. ගිරවො, වඳුරෝ, හාවෝ, ලේනෝ...

ගිරව හෙණ පණ්ඩිතයි.. වඳුර දිහා බලං ඉන්න ආසයි.. හාව හුරතල්..  අම්මප බං ඒ ඔක්කොම හරි බස්සද බස්සිද කොහෙද ඩයල් එක හෙණම කම්මැලියි.. පොර ඇහැරිලාද නිදාගෙනද

Monday, December 07, 2015

මැග්නිටෝ සහ ප්‍රභාකරන්.....

මැග්නිටෝ හමුවෙන්නේ එක්ස් මෙන් සිනමා කතා මාලාවේදී ය. ප්‍රභාකරන් හමු වන්නේ ලංකාවේ දේශපාලනය තුළදී ය.


මැග්නිටෝ යනු එක්ස් මෙන් කතා මාලාවේ දුෂ්ඨයා ය. එහෙත් මේ දුෂ්ඨයා සැබැවින්ම දුෂ්ඨයෙක්දැයි තේරුම් ගැනීම අපහසු ය. ඔහු ප්‍රතිවීරයා යි.

Wednesday, December 02, 2015

මුස්ලිම් බෞද්ධ ගෝත්‍රිකවාදේ!!!

ම්..

අශිෂ්ඨත්වයට විරුද්ධයි!!

ගෝත්‍රිකත්වයට විරුද්ධයි!!

සිංහල බෞද්ධ ගෝත්‍රිකත්වයට විරුද්ධයි.... ඒ නිසා නැදුන් විහාරයේ නින්දගමක් යැයි කියාගනිමින් දුම්බර ගම්වාසීන්ව අඩවහලුන් කරල තියාගන්න එකට විරුද්ධයි... ඒ මිනිස්සුන්ට පන්සලේ පැවිද්දාගේ උපදෙස් මත කටුකම්බි එතූ කුරුඳු පොලුවලින් පහර දෙන එකට විරුද්ධයි!!

Friday, November 27, 2015

ත්‍රස්තවාදියා...

ප්‍රභාකරන් ඔබට ත්‍රස්තවාදියෙක් විය හැකියි. මට ඔහු කැරලිකරුවෙකි. මම එසේ කීවෙමි... එය මගේ පැරණි පාසල් මිතුරන්ගේ, ෆේස්බුක් සගයන්ගේ සහ මාධ්‍යවේදී සහෝදරවරුන්ගේ කෝපයට හේතු වී තිබුණි. ඒ නිසා මේ සටහන අරඹන්නේම කියවා තේරුම් ගත නොහැකිනම් නොකියවන ලෙස සාදරයෙන් ඉල්ලා සිටිමිනි!!


Friday, November 20, 2015

චුට්ටි සහ මේනකා

වෙලාව රෑ එකොළහයි!! මරදානේ ඉඳන් මම කොටුව පැත්තට පයින් එනවා!!

නීතිය විසඳන ශ්‍රේෂ්ඨාධිකරණය පැත්තේ ඉඳන් විනිසුරු අක්බාර් වීදිය දිගේ එනකොට ඇයව පේනවා!! ඇය බට්ටී විය හැකියි! චුට්ටි විය හැකියි! තරුණයි පුංචියි!! මම ඇයව දන්නවා... එකොළහේ ඉඳන් දොළහ වෙනකන් ස්ටේෂන් එක ඉස්සරහ ඉන්නේ එයා... මාර කටක් තියෙන්නේ!! ෆුල් එකකට ගාණ තුන්දහයි!! යට විතරක් නං එකහමාරයි!! එයා හරි ගණන්!!

Thursday, November 19, 2015

චිත්රු තමයි ඩ්‍රීම් ස්ටාර්....


අතිදක්ශ ගායන ශිල්පීන් වුණත් මේ කලාකරුවන් නොවේ...

‘හදවත ගැඹුරේ ධීර චේතනා..
මේ සිව් හෙළයේ දසත විසිරුවා..
එක්වෙමූ.. සුරකිමූ.. ලක් මෑණියන් සෑමදා..‘

2009 දී යුද්ධයේ දරුණු මොහොතක ඊනියා යුධ මුක්ත කලාපයක් නම්කොට දෙමළ මිනිසුන් සමූල ඝාතනය කරද්දී කලාකරුවන් කළ යුතුව තිබුණේ ජාතීන් වෙනුවට මනුෂ්‍යත්වය පෙරටු කරගත් නිර්මාණ කිරීමයි. එහෙත් සිංහල කලාකරුවන් දෙමළ ලේ ඉල්ලමින් ඊනියා දේශප්‍රේමයක් වෙනුවෙන් නිර්මාණ කළහ. එතැනින්ම ඔවුන් කලාකරුවන් යන්න අහෝසි විය.

Monday, November 16, 2015

ෆිලුම් බැලිල්ල....

චිත්‍රපටි බැලිල්ලේ ගොඩක් දුර ගියපු පොරක් නෙවෙයි මං.. ෆිල්ම් වල හයහතර විතරයි දන්නෙ... උණක් තියෙන නිසා ෆිල්ම් බැලිල්ල ගැන පොඩියට ලියන්න හිතුව... 

මේ දවස්වල ෆිල්ම් ෆෙස්ටිවල් හින්ද ෆිල්ම් බලන්න කට්ටිය සෙට් වෙනව.. ෆිල්ම් ගැන කතා වෙනව...

පෝලිම් දැක්කම පිස්සු හැදෙනව... 

තිලකසේන ඇවිත් හැරෙන්න.....

උඩින් මෙසේ ලිව්වට මුලින්ම කියන්න ඕන සිනමා උළෙල ගැන කිසිම විවේචනයක් කරන්න අවශ්‍යතාවයක් නැහැ. එය අනිව අත්‍යාවශ්‍ය ව්‍යාපෘතියක්. ඉදිරියට යනකොට තව තවත් ලංකාවේ සංස්කෘතියට හුරු කරලා සිනමා උළෙල ලංකාවේ හැමෝම බලන් ඉන්න වැදගත් වාර්ශික අංගයක් බවට පත්වෙනවා නං හොඳයි... බුක් ෆෙයාර් වගේ ගොං ආතල් එකක් නොවී හොඳ වැඩක් විදියට එය ජනතාව අතරට යන්න ඕන.

Sunday, November 15, 2015

අඩෝ රන්ජා මෙන්න ෆිල්ම්

රන්ජා යන සුරතල්(?) නාමයෙන් හැඳින්වෙන රන්ජන් රාමනායක නියෝජ්‍ය අමාත්‍ය කලාකාරයෙකි(?). කලාකාරයෙක්ට ගැඹුරු සමාජ දැනුමක් සහ මනුෂ්‍යත්වය ගැන උණුසුම් හැඟීමක් තිබිය යුතු ය. සමාජය ගෝත්‍රිකත්වය දෙසට නොව නවීනත්වය දෙසට ගෙන යා යුතු ය. රන්ජා අපරාධ නවත්වන්නට අපරාධකරුවන් එල්ලා මැරිය යුතුයැයි කියන කාලාකාරයෙක් යැයි හඳුන්වාගන්නා අයෙකි. දුනේෂ් ප්‍රියශාන්ත ගැන රන්ජා කියූ දේවල් මෙතෙක් අඩුගානේ හිතහොඳ එකායැ‘යි ගෞරවයක් ලද රන්ජන් ගැන අපුලක් ඇති කරන්නට සමත් විය.

වීරයන් සිව්දෙනෙක් - එක් අයෙකුට වීරයෙක් තවත් අයෙක්ට දුෂ්ඨයෙක්

Wednesday, November 11, 2015

මෝටර් බයිසිකල්!! අජියා!! ශමීර!!

මෝටර් බයිසිකල් චිත්‍රපටියෙන්
අනුමාන කරපු විදියට කොළඹ ජාත්‍යන්තර සිනමා උළෙලේ හොඳම ශ්‍රී ලාංකික චිත්‍රපටිය විදියට ශමීරගේ මෝටර් බයිසිකල් සම්මානය ගත්ත. සාක් උළෙලේදීත් ශමීරට සම්මානය ගන්න පුලුවන් වුණා. සුභ පතල ඉන්න ඕන...... සුභපැතුම් ශමීර!!!

Tuesday, November 10, 2015

කළු කෙට්ටු කැත ධනුෂ්

තවදුරටත් ධනුෂ් කැත නැහැ
ධනුෂ් කියන්නේ දෙමළ සිනමාව ඇතුලේ ගත්තම කුලීනයෙක්. එයාට සිනමා තිරයේ පෙනී හිටින්න ලොකු කට්ටක් කන්න ඕන වුනේ නෑ.. තාත්තා චිත්‍රපටි අධ්‍යක්ෂවරයෙක්.. සහෝදරයා අධ්‍යක්ෂවරයෙක්.. සිනමාවට ඇවිත් ටික කාලෙකින්ම බාලුමහේන්ද්‍ර එක්ක වැඩ කරන්න ලැබුණ... අන්තිමට බැන්දෙත් සුපර්ස්ටාර් රැජිනිගෙ දුවව... එයත් ෆිල්ම් හැදුව... දිගටම තමන්ගේ සමීපතමයන්ගේ ෆිල්ම් වල වැඩ කරන්න ලැබුණ. ඒ නිසා ධනුෂ් සිනමාවේ කුලීනයෙක්....

Monday, November 09, 2015

යුරේනිගෙන් වැඩක් ගමු!!!

යුරේනි ගැන ලියන්න හිතාගෙන හිටියා කාලයක් තිස්සේ... ඒත් එයා ගැන තිබුණු උණුසුම පහවෙනකන් ඉන්න හිතුවා...

විද්‍යා මරා දැමීමත් එක්ක ඇතිවෙච්ච උණුසුම් වටපිටාව ඇතුලේ යුරේනි නොෂිකා ගුණසේකර මට මුණගැහුණේ ඇගේ ගෙදරදී. මා බලාපොරොත්තු වුණේ ඇය සමඟ විනාඩි දහයක පහළොවක කෙටි ඉන්ටවීව් එකක් කරන්න.

Sunday, November 08, 2015

අස්වුණේ මහින්ද දුන්න ඇමතිකමකින්ද?

මාරපන් ගිය එකා ඉල්ලා අස්වීමෙහි පසුපස කියැවෙන්නේ ඔහු වැරැද්ද පිළිගෙන ඇති බවය.

මිනිහා ඉල්ලා අස්වෙනවා කියූ විගස මට අහවල් තැනින් පවා හිනා ගියේ ය.

මට ප්‍රශ්ණෙ මාරපන්ට ඇමතිකම දුන්නේ කවුද කියන එක ය.

Thursday, October 29, 2015

තව ගහපිය, ඔය මදි

මට මහාමාර්ගෙයි ශිෂ්‍යයොයි අදුරගන්න බැරි උනා. මම උන්ව යැවුවෙ පාර තලන වැඩකට. ඒ උනාට මුන් තලලා තියෙන්නෙ ස්ටූඩන්ලා වගයකට. මේ මිනිස්ටි‍්‍ර දෙකක් එකට දාලා මමත් අන්දොස් වෙලා ඉන්නෙ. තලන්නෙ මොකක්ද පුදන්නෙ මොකක්ද කියලා මටම හොයාගන්න බැහැ. මම හිතන්නෙ එහෙනම් උපාධි ආරවුල විසදන්න යවපු ප්‍රෙෆෙසර්ලා ටික කොහේ හරි පාරකට ඩිග‍්‍රි එක දීලා එන්න ඇති.
හොද වෙලාවට මේ මිනිස්ටි‍්‍ර ගොඩ අස්සට බුද්ධ සාසන අමාත්‍යාංශය නොදැම්මෙ. නැත්තං මුන් පන්සල් වලට පැනලා මහ නායකලාට දෙයි DNA ටෙස්ට් කරනකංම.
- ලක්ෂ්මන් කිරිඇල්ල -
විශ්වවිද්‍යාල හා මහා මාර්ග අමාත්‍ය

Tuesday, October 27, 2015

මම සමකාමියෙක්?



(මාස කිහිපයකට කලින් ලියූ සටහනකි)
 
ලෝකය දියුණු වෙමින් පවතී. තාක්ෂනය සමඟම ලෝකය පිළිබඳ දැනුමද ඒ තුලින් සංස්කෘතියද වෙනස් වෙමින් පවතින්නේය.
සමකාමී වීම කියන්නේ ලෙඩක් නොවන බවත් එය ජීව විද්‍යාත්මක තත්වයක් බවත් දැන් ඔප්පු වී ඇත. සතුන් අතරද සමකාමී ලිංගික හැසිරීම් තිබෙන බව ඔප්පු වී තිබේ. ( සංස්කෘතිය කියන්නේ එකම විදියට තියෙන්න ඕන දෙයක් නෙවෙයි වෙනස් වෙන්න ඕන. ඉස්සර වගේ කවුරු හරි සමකාමී කෙනෙක් හිටියම තොවිල් කරලා පිස්සු කෙලින්න ඕන නැහැ.)

Monday, October 26, 2015

මීඩියා මර්ධනේ

යූඅඇන්පී එකට ජනමාධ්‍ය පාලනය කරන්න ඕන. ඒකට මහින්ද වගේ සුදු වෑන් එවලා තග දාන ක්‍රමයක් වෙනුවට යූඇන්පිය පාවිච්චි කරන්නේ වෙනත් ක්‍රමයක්.

එයාලා උත්සාහ කළා ලංකාවේ ප්‍රධානම ජනමාධ්‍ය වෘත්තීය සමිතිය (වෘත්තීය සමිතියක් විදියට ලියාපදිංචි කරලා තියෙන්නේ ඒක විතරයි) බලය අල්ලන්න. ඒක ගොඩක් පැතිවලින් වාසියි. ඒත් ඒ උත්සාහය අසාර්ථක වුණා.

ඉන් පස්සේ උත්සාහ කළේ අළුත් වෘත්තීය සමිතියක් හදන්න. ඒත් අළුත් එකක් හැදුවොත් ඒකට නිල පිළිගැනීමක් නැතිවෙනවා. ඒ නිසා කළේ  2012 දී වෘත්තීය ජනමාධ්‍යවේදීන්ගේ සංගමය විදියට නම වෙනස් කරගත්ත වෘත්තීය පත්‍රකලාවේදීන්ගේ සංගමයේ පරණ නම උස්සනන්න උත්සාහ කරපු එක. ඉන්පස්සේ නිල පිළිගැනීම ලැබෙනවා.

ඉන්පස්සේ කරන්න තියෙන්නේ මාධ්‍යවේදීන්ව පාලනය කරන්න යූඇන්පීය ගන්න උත්සාහයන් සාධාරණීකරනය කරන එක. අනිත් පැත්තෙන් ඉඳහිට මහින්දලා කරපු මිනීමැරුමක් අතුරුදන් කිරීමක් අල්ලගෙන සංදර්ශණයක් කරලා යූඇන්පියට වක්‍රාකාර සපෝර්ට් එකක් දෙන එක. (මහින්ද එල්ටීටීඊ බිල්ලෙක් නඩත්තු කළා වගේ මහින්ද බිල්ලෙක්වත් යූඇන්පියට ඕන.)

මේ අළුත් සංගමයේ කට්ටිය මාධය ආයතන වලට ගිහින් කෙළින්ම කියලා තියෙනවා ආණ්ඩුවේ සපෝර්ට් එක ලැබෙන්නේ අපට, අපි එක්ක එකතු වෙන්න කියලා.

අපේ මාධ්‍ය අයියලත් මොකක්හරි වාසියක් ලැබෙනවානං ඕන තැනක ලගින නිසා සංගමයට සාමාජිකයෝ කණ්ඩායමයකුත් හදාගන්න ලැබුණා.

මේ සංගමය එළියට ආවේ පුවත්පත් මණ්ඩලයෙන්. පුවත්පත් මණ්ඩලය මොකක්ද කියලා ගොඩක් මීඩියා අයියලත් දන්නෙ නැහැ. (මොකද එයාලා තමන්ගේ වෘත්තීය පරිසරය ගැන සැලකිලිමත් නෑ.) ඒ තමයි මීඩියා දඬුකඳේ ගහන කැලෑ උසාවිය. කියවන්නක

මේ සංගමය පිළිගන්නේ පුවත්පත් මණ්ඩලය කියන ගෝත්‍රික ආයතනය. අපට තියෙද්දී පුවත්පත් ආයතනය කියන ස්වාධීන ආයතනයක්. මාධ්‍යවේදියෝ ගොඩක් මේ සිද්ධිය දකින්නේ නිකන් වෘත්තීය සමිති දෙකක් අතර සිද්ධියක්... පුද්ගලයන් අතර සිද්ධියක් කියලා විතරයි. ඒත් මේක මාධ්‍ය ස්වාධිනත්වය සම්බන්ධ සිද්ධියක්. ( කොළඹ ප්‍රකාශනය. මේකෙන් තමයි ස්වාධිනත්වය දුන් ආයතනය පිහිටෙව්වේ)

වැදගත්ම කතාව මේකයි. 

මේ යූඇන්පී මෙහෙයුම වෙනුවෙන් එළිපිට පෙනී ඉන්න මාධ්‍ය ආයතන දෙකක් තියෙනවා. එකක් කොහොමත් ආණ්ඩුවේ වෙච්ච සිළුමිණ සහ ආණ්ඩු විරෝධී ජාතිවාදී ස්වරූපයක් පෙන්වන දිවයින. සංගමයේ වැඩි බලයක් තියෙන්නේ දිවයින සම්බන්ධ අයට.

යූඇන්පියත් එක්ක විමල් වීරවංශ, ගම්මන්පිලලාගේ මතවාදී ප්‍රකාශණයක් වෙච්ච දිවයිනට තියෙන ගණුදෙනුව මොකක්ද?

මේ තමයි සෙල්ලම. මහින්ද රාජපක්ෂට බලයේ ඉන්න. මිනිස්සුන්ව සූරාකන්න කොටි අවශ්‍ය වුණා. කොටි බිල්ලා තියාගැනීමට මහින්ද විවිධ දේවල් කළා. ඒ වගේ මේ යහපාලන ආණ්ඩුවට මිනිස්සුන්ව දිගටම සූරා කන්න නම් ජාතිවාදී මහින්ද බිල්ලා දිගටම තියාගන්න ඕන. ජර්නලිස්ට්ලව මර්ධනය කරන පුවත්පත් මණ්ඩලයට දිවයින බය නැත්තේ මේ එකඟතාවය නිසා. 

ප්‍රජාතන්ත්‍රවාදයට ගරු කරන අයට කියන්න තියෙන්නේ සිහියෙන් ඉන්න කියලා. මේ ඩීල් එකත් එක්ක සැබෑ ජනතා ප්‍රශ්ණ වෙනුවට බොරු ප්‍රශ්ණ මාධ්‍ය වලින් මතු කරයි. සැබෑ ප්‍රශ්ණ ගැන කියන මාධ්‍යවේදීන්ව කලින් වගේ සුදු වෑන් එකෙන් නෙවෙයි පුවත්පත් මණ්ඩලෙන්ම නඩු අහලා මර්ධනය කරයි.

 

 

Sunday, October 18, 2015

සුජියාට ලියමි....



කීර්ති ලොකුලියන සහෝදරයාගේ කවියකට පිළිතුරකි..........


















සුජියො මට තේරෙනව

මේ තමයි ජීවිතේ

කරුමෙ නං නෙවෙයි බං

අපට දුන් ජීවිතේ



ළමයින්ට කියාපන්

පෝන් එක අතට ගෙන

පෝන් තියෙනා උන්ට

උපාසක සමාජෙට

හිනාවෙන පරයන්ට

කියාදෙන්නැයි කියා

අපට මේ ජීවිතේ - තොපි දුන්නු ජීවිතේ



උගන්නාපං උන්ට මේ වළෙන් ගොඩ එන්න

බුදුන්ටත් හැමිණෙන්ඩ කියාදීපං උන්ට

තනියෙන්ම බුදු නොවී සෙට් වෙලා බුදු වෙන්ඩ

අපෙ විහිළු ජීවිතත් අරන් නිවනට යන්න


කීර්ති සහෝදරයාගේ කවිය

සුජී ඔය ෆෝන් එක
දීපන්කො කීවාට
මං කොහොම දෙන්නද
ෆෝන් එක කාටවත්
මාත් ආසයිනෙ බං
උඹේ හඬ අහන්නට

අැගපතේ අමාරුව
නිසා බං හැන්දෑවෙ
වෙනද වගෙ මං ගැහැව්ව
වෙල් කසිය බාගයක්
ඉන් පස්සෙ වුන දෙයක්
මතකයක් නෑ බං
උඹ කතාකර බවක්
පොඩි දෝනි කිව්ව මට
කඹුරළා උඹ එවන
එකම එක දොයිතුවක්
මං ගත්තෙ නෑ බං
මගේ තනි වියදමට
ලොකු කෙල්ල ඒ සල්ලි
ගානටම මිම්මටම
ඉනේ ගහගෙන ඉන්නෙ
කෑව බීවත් හරියට
උඹ ගියේ අරාබියෙ
අපේ නැති බැරි කමට
පලු යන්න බැන්නත්
මං උඹට පින්දෙනව
මගේ නැහැ බොරුවක්
වෙනද වාගෙම තමයි
ඉඳල හිටලා කසිය ගැහැවත්
මං උඹේ සුජිය බං
කවුද අලුගුත්තේරුවෙක්
උඹේ අර කතාවම
රටවටේ අවුළාල
අම්මාට හැමිනෙන්න
අනේ බං මගෙ කුසුම‍ො
මේ ඉන්න පාහරයො
පට්ට ආතල් ගන්නෙ
අපේ දුප්පත්කමින්




ෆේස්බුක් වින්දනය

Thursday, October 15, 2015

එල්ලන්ඩ නියමිත උං

මං පොලේ ගැහුවෙ 
මගෙ පොඩි එකා
වැරදියිද? හා......

මගෙ ගෑණි මුහුදට දානකොට
ඇයි තොපිට රිදෙන්නෙ?

කූඩුවේ හිර කෙරුවෙ
මගේ මහ එකා
බොලව් තොපි මොකද
කලබල වෙන්නේ?

මගේ කෙල්ලට යකෝ
බිම දාං මං ගැහුවෙ

තමන්ගේ උන්ට
ආදරය නොකළ අපට
ආදරය කරන්නට
ඉඩ නොදුන්නේ කවුද?

තමන්ගේ උන්ට විතරක් 
ආදරේ කරපු උං

එල්ලපල්ලා උන්ව....






සම්මතය

පුතා (වයස 14 යි) -
 
මරදාන හන්දියේ 
කොට සාය පටලවං
අපේ හෙට වෙනුවන්ම
ඇය ඉන්නෙ වරු ගණන්

*****************

මගෙ අම්ම බව නොදැන
වල් හැත්ත අපෙ එවුං
අම්මගෙන් සැපගත්ත
මතක පොත කියවමින්

*****************

පාෂාණ ද්වී ශතක  

භක්තියෙන් ඔදවැඩී 
මරක්කල කඩ දෙකක්
කුඩු කෙරුව සැඳෑවක

දවල් ඩියුටිය ඉවර
අම්ම ඇඳ මත වැටුණ
ලිහා දැමු නිල ඇඳුම
දිගහැරුණු අඟ පසඟ
යහළුවන් දෙසු මතක

*****************

පුදුමයක් නොම දිලුණ
වෙහෙසකර ඇගේ නෙත්
නොබළමින් දිය කළෙම්
පිරිමිකම් මා උගත් 

****************

අම්මා (වයස 31යි)  -
 
පොඩි කෙල්ලගේ පුංචි
ජීවිතයෙ රස උරා
දිවිතෙක්ම උළුගෙදර
ගිය නිසා මහඑකා
 
ගොඩක් ඈතිං ඇහෙන
සාරදම් පින් බයිල
මිනිස් හඬ දුර යද්දි
සැනහුමත් කරතියන්‍

මුහුණු හඳුනන්න බැරි
පාපතර කළුවරේ
මං හෙව්ව දයාවක්
බුදියන්ඩ හේතුවක්

ඇඟ මතට ගොඩ වුණත්
මහගොඩක් පිරිමි හිත්
ලොකු කොල්ලගෙං තරං
දැණුනෙ නෑ උණුහුමක්

හෙටත් උගෙ උණුහුමින්
අනිද්දාවක් හොයමි

.......................................

 

Tuesday, October 13, 2015

නිදහස? ලැබුණද? නිදහසක් තියෙනවාද?

මේ දිනවල සමාජ ජාල අාතල් හිට්ලිස්ට් එකේ ඉහළම තැනක තියෙන්නේ නිදහස ලැබුණු දවස ගැන කතාවයි. ෂනුද්‍රි ප්‍රියසාද් නම් තාත්තගේ පානට එයාගේ තෙල් දැමූ නිළියත්, අර සුපර්ස්ටාර් කොල්ලත් (බොරු නෙවෙයි අම්මප නම මතක නෑ. දසුන් වගේ මතක.) සිරස වැඩසටහනකදී නිදහස ලැබුණු දිනය හා ලංකාවේ අගනුවර වරද්දා ගැනීම ආතල් හිට්ලිස්ට් එක උඩු යටිකුරු කොට චාමරලා, කොණ්ඩයා, සුජීගේ ෆෝන් එක වැනි පීඩිත පන්තියේ මිනිසුන්ගේ කතා වලින් පොඩි පොෂ් සිද්ධියකට ඇදගෙන ගියේ ය. ( යුරේනිගේ ජංගියත් හිට්ලිස්ට් වල තිබුණු ඔයවගේ කතාවක්. )

මීඩියා මර්ධනය කළාට අපට මොකෝ?

මාධ්‍ය මර්ධනය සාමාන්‍ය කෙනෙක්ට වැදගත් මාතෘකාවක් නොවෙන්න පුළුවන්. මාධ්‍ය ගැන අවබෝධයක් නැති වෙන්න පුළුවන්. එහෙත් දේශපාලනය ගැන උනන්දු වෙන ඕනම කෙනෙක් මාධ්‍ය ගැන උනන්දු වෙන්න ඕන.

මෙහෙම පැහැදිළි කරන්නම්. කැලණි ගඟේ ජලය විෂ වෙලා මිනිසුන්ට පිළිකාකාරක සහිත ජලය බොන්න සිදුවීම, ඉන්දියානු ට්‍රෝලර් ලංකාවට එන නිසා උතුරේ ධීවරයන් දුක් විඳීම, රතුපස්වල මිනිසුන් තවමත් විස වතුර බීම, උමා ඔය නිසා බණ්ඩාරවෙල සිද්ධ වෙන විනාසය, කර්මාන්තශාලාවක් නිසා දැදුරු ඔය මරණාසන්න වීම, මිනිසුන්ගේ ජීවන අර්බුදය වගේ දේවල් විසඳන්න බලය තියෙන්නේ ආණ්ඩුවට. ඒත් ඒ ප්‍රශ්ණ පෙන්වලා ජනමතයක් හදලා විසඳුමක් කරා ගෙනියන්න හැකියාව තියෙන්නේ මාධය වලට.

Monday, October 05, 2015

ජිනීවා ඔක්කොම බොරු....

ජිනීවා මානව හිමිකම් කවුන්සිලයෙන් යුධ අපරාධ පිළිබඳව විමර්ශණය කළ යුතු බව කීවේ අන්තර්ජාතික ප්‍රජාව එසේ කළ යුතු බවට එල්ල කළ බලපෑමත් එක්ක.

විශේෂයෙන් මහින්ද රාජපක්ෂ ආණ්ඩුව මාවිල්ආරු සිදුවීමෙන් පසුව වියරුවෙන් මෙන් උතුරේ කැලිකරුවන් මර්ධනය කිරීමේදී මානව වර්ගයාට එරෙහි අපරාධ සිද්ධ වෙලා තියෙන බවට පැහැදිළි සාක්ෂි තියෙන නිසා. යුද්ධයේදී මානව හිමිකම්  කඩනොවුණු බවට කෙරෙන තර්ක හුදු විශ්වාසයන් පමණයි. මැදිහත්ව තර්ක කරන ඕනෑම කෙනෙක්ට පැහැදිළි කරගන්න පුළුවන් යුද්ධයේදී අපරාධ සිදුවී ඇති බව.

Wednesday, September 30, 2015

මාධ්‍යයට අත නොතබනු..!!!

වෘත්තීය ජනමාධ්‍යවේදීන්ගේ සංගමයේ නිලවරණය පහුගිය අඟහරාවාදා පැවැත්වුණා. එහිදී හිටපු සභාපති ලසන්ත රුහුණගේ නැවත වරක් සභාපති ලෙස පත්වුණා. නිලධාරී මණ්ඩලය ලෙස ලසන්ත රුහුණගේ මහතාට සමගාමීව නාමයෝජනා ලබාදුන් කණ්ඩායමේ සියළුදෙනා තේරී පත්වුණා.

ඡන්දයේදී සංගමයේ බලය අල්ලාගැනීම වෙනුවෙන් දිවයින පුවත්පතේ දීප්ති අධිකාරී සහ උපාලි ද සේරම් ඇතුළු පිරිසක් (හත්දෙනෙක් විතර තමයි හිටියේ) වත්මන් ලේක් හවුස් කර්තෘ මණ්ඩල අධ්‍යක්ෂ සමන් වගආරච්චි මහතාගේ ආශිර්වාදය එක්ක තරඟ කළා. (ඡන්දය ලබාගන්න සමන් වගආරච්චි මහත්මයා කැම්පේන් කළ බව ඔප්පු කරන්න සාක්ෂි තියෙනවා.) කෙසේ වෙතත් මේ වගආරච්චි මහත්මයා දාපු කණ්ඩායම ඡන්දයේදී අන්ත පරාජයක් ලැබුවා. 

මේ ඡන්දයට පෙර සහ පසු වරින් වර ඉඟි පළවූ ආකාරයට ජනමාධ්‍ය ඇමතිතුමා මාධ්‍ය සහෝදරයන් කිහිපදෙනෙක්වත් අල්ලගෙන දාන්නට යන සෙල්ලමක් ගැන ලියන සටහනක්...

Friday, September 25, 2015

මරලා දාන දඬුවම ඉල්ලන්නේ පිස්සෝ...

ලියන්න බැරිනම් බ්ලොග් එක දීපන් ළමයෙකුට

දින ගණනක් තිස්සේ පෝස්ට් එකක් නොළිවීම නිසා මිතුරෙකු ෆේස්බුක් හරහා මට එසේ එවා තිබුණි. යාපනයේ ගත කළ සතියත් ඉන්පසුව මඟහැරුණු වැඩ කටයුතු ආවරණය කරන්නට ගතවූ සතියත් නිසා බ්ලොග් එක වෙනුවෙන් වෙන් කරන්නට කාලයක් නොවීය. මේ නිහඬතාවයෙන් පසුව ලියන ලිවීමකි.

මරණ දඬුවම ඉල්ලන ජනතා වීරයා

මරණ දඬුවම

ස්ත්‍රී දූෂණ අඩු කරන්න මරණ දඬුවම ඕනෑයයි කට්ටිය හඬ නඟන්නට පටන්ගෙන තිබේ. ඇත්තටම මරන දඬුවම දීමෙන් මේ අපරාධ නැවැත්විය හැකිද? ඒ ගැන ඕනෑ තරම් වාද විවාද තිබිය හැකිය. අපට නම් මරණ දඬුවම වැනි ගෝත්‍රික දඬුවම් ක්‍රම හරහා සමාජය හදන්නට කරන යෝජනා ජෝක්ස්ම ය. ඊයේ පෙරේදා සංවාදයකදී විදර්ශන සහෝදරයා කී පරිදි පිස්සුවකි. සමාජය තියෙන්නේ කොතැනකද? මේ  කතා කරන්නේ මොනවාද?

Friday, August 28, 2015

ඔහු නිකන්ම රතුපස්වල වීරයෙකි



අප සිටින්නේ වීරයන් අවැසි සමාජයක. මේ මොහොතේ වීරයන්  ඕනෑ තරම් ඉන්නවා. වීරයෙක් වෙන එක ලේසියි. වීරයෙක් නැතිව අපටත් බැහැ. මොකක් හෝ ක්ෂේත‍්‍රයක වීරයෙක්් අනුයන්න අපි බලාගෙන ඉන්නවා.
 
දේශපාලනයේ, කලාවේ, සිනමාවේ වගේම ක‍්‍රීඩාවෙන් වීරයෝ බිහිවෙනවා. මාධ්‍ය හරහා ඒ වීරයන්ගේ ප‍්‍රතිරූප මවනවා. වීරයෝ ඉන්න තැන දුෂ්ටයොත්  ඕනෑමයි. දුෂ්ටයන්ගේ ප‍්‍රතිරූපය මවන්නෙත් මාධ්‍ය හරහාම තමයි.

දෙමළ මිනිසුන්ගේ වේදිකාව මතින් පැනනැඟුණු යුද්ධයක් විසින් අපේ සමාජයට වීරයන් සහ දුෂ්ඨයන් නිර්මාණය කරලා දුන්නා. රටම අප්පච්චි කෙනෙකුගේ ප‍්‍රතිරූපයකුත් අප්පච්චිගේ වීර මල්ලියෙකුත් රාජකීය පවුලකුත් මාධ්‍ය හරහා එළියට ආවා. මේ වීරයන්ගේ ප‍්‍රතිරූපය රකින්න රණවිරුවෝ කියලා අතුරු වීරයෝ ටිකක් සමාජගත වුණා. දුෂ්ටයොත් නිර්මාණය වුණා. ඒ අර රජ පවුලේ ආතල් කඩන අය.

මාතෘකාවට ආ යුතුයි. සටහන ලියැවෙන්නේ රජ පවුලේ අවසානය ගැනත් අලූතින් බිහිවුණු වීරයන් ගැනත් කියන්නට නෙවෙයි. මේ මාධ්‍ය වීරයන් හැරුණුකොට ඇත්ත සමජයේත් වීරයන් ඉන්න බව මතක් කරලා දෙන්නයි. ඒ වීරයන් විනාඩියෙන් විනාඩිය වෙළඳ දැන්වීම්වල පෙනී හිටින්නේ නැහැ. ඔහු ඔබ ගමනක් යන ති‍්‍රරෝද රියේ රියදුරා විය හැකියි. වැලිවේරිය දේවස්ථානය ඉදිරිපිටදී ත‍්‍රිරෝද රථයක් තුළ අපට වීරයෙක් මුණගැහුණා. මේ සටහන ඔහු වෙනුවෙන්.

Thursday, August 27, 2015

සංගා ක්‍රීඩකයෙක් මහේල නායකයෙක්....

කුමාර් සංගක්කාර ක්‍රිකට් ක්‍රීඩාවෙන් සමුගැනීම පහුගිය කාලයේ කතාබහේ ප්‍රධාන මාතෘකාව විය. ආණ්ඩුවේ ඇමති ධූර පොරයටත් වඩා මාධ්‍ය වල අවධානය දිනාගන්නට මේ අතිදක්ෂ ක්‍රිකට් ක්‍රීඩකයා සමත් විය. ඉතින් ජාතික ආණ්ඩු බයිලාවන් ගැන කතා කිරීම කාලයට බාර දී ලැබුණු විවේකයේදී මේ සංගා සිද්ධිය  ගැන යමක් ලියන්නට සිත්විය.

මම ක්‍රීඩාවට ප්‍රිය කරමි. ක්‍රිකට්, පාපන්දු සිට රෙස්ලින් දක්වා ක්‍රීඩාශීලීත්වය රසවිඳින්නට කැමැත්තෙමි. හැබැයි මතකතබාගත යුත්තකි. ක්‍රීඩා කිරීම සහ ක්‍රීඩාව රසවිඳීම පැහැදිලිවම දෙකකි. මම ක්‍රීඩා කරන්නට වැඩියෙන් ප්‍රිය කරන්නෙමි. (ඒ ගැන වෙනම ලියන්න ඕන. මම ලෝකෙ වඩාත්ම ප්‍රිය කරන්නේ තැන අංක අට ජර්සි එක ඇඳගෙන පාපන්දු ක්‍රීඩාංගනයක් මැද ඉන්න එක.) ක්‍රීඩාව රසවිඳීමත් මරු ය. දැන් කාලයේ ක්‍රීඩාව යනු වීරයන් සහ දුෂ්ඨයන් අවැසි ටීවී ෂෝ එකකි. ලංකාවත් සෙල්ලම් කරන නිසා ක්‍රිකට් මා වැඩියෙන්ම නරඹන ක්‍රීඩාවයි. (ඒත් මං කැමතිම පාකිස්ථාන් ක්‍රිකට් ටීම් එකට. පකිස්ථාන්ක්‍රීඩකයන්ගේ ඇසිවල පවා මාර විදියට ක්‍රීඩාශීලීත්වය තියෙනවා. රට ඇතුලෙත් පිටත් අභියෝග ගොඩක් මැද්දේ ඕනෑම ටීම් එකක් දණගස්සන්න පකිස්ථාන් කොල්ලන්ට පුලුවන්. ගොඩක් අය පකිස්ථානයට අකමැති වීමත් මං කැමති වෙන්න හේතුවක්.)


සංගා වෙතට ආ යුතුය.

Friday, August 21, 2015

බදුල්ලේ සමන්ත පරාදයි බං

ඡන්දය ඉවර වෙලා ටික දවසක් ගමටම වෙලා හිටියා. මිනිස්සු එක්ක කතාබහ කරමින්, ප්‍රථිඵලේ ගැන එකේක විග්‍රහ අසමින් හිටිය. මම බණ්ඩාරවෙල. බදුල්ල දිස්ත්‍රික්කේ.... අපේ පැත්තෙ නම් ඉතින් කතාබහ සමන්ත වද්‍යාරත්න පාර්ලිමේන්තු නොගිය එක ගැන තමයි.

යූඇන්පී ශ්‍රී ලංකා හැමෝම සමන්ත පරාද වීම ගැන දුක් වෙනවා. සමන්ත පාර්ලිමේන්තුවේ ඉන්න ඕන කෙනෙක් කියලා... මට ඉතින් ඕව අහද්දී මතක් වෙනවා හොඳට. සමන්ත ඇතුලේ ඉන්න ඕන නං ඡන්දෙ දුන්නෙ නැත්තෙ ඇයිබං?

මතක තියාගන්න මහින්ද එළවන්න පුළුවන් වුණේ බදුල්ලේ මිනිස්සු නිසා. ඌව ඡන්දෙදී බදුල්ලෙන් තමා මහින්ද පරද්දන්න පුළුවන් කියන සංඥාව එන්නත් කළේ. ඒ සංඥාව නිසා තමයි තමන්ට වෙච්ච පෞද්ගලික කෙනෙහෙළිකම් නිසා අවුලෙන් හිටපු මෛත්‍රී එළියට බහින්න ඩීල් එක දැම්මේ.බදුල්ලේ ප්‍රථිපලේ ගැන පොඩ්ඩක් කතා කරන්න ඕන.

Monday, August 10, 2015

අපි විකුණුවා, රතුපස්වල රාජපක්ෂලාගේ දඩබිම....

රතුපස්වල ගැන අපි ආයෙමත් කතා කරන්න පටන් ගත්තා. සමහර අයට රතුපස්වල ප්‍රශ්ණය අතීතයක් වෙන්න පුළුවන්. රතුපස්වල ලොකු ඛේදවාචකයක් වුණා, දැන් ඒක කාලයත් එක්ක ගෙවිලා ගිහින් කියලා හිතන්න පුළුවන්.

ඒත් ඇත්තටම රතුපස්වල ප්‍රශ්ණ තාමත් තියෙනවා.

පුරවැසි බලයත්, වෘත්තීය ජනමාධ්‍යවේදීන්ගේ සංගමය සහ තරුණ ජනමාධ්‍යවේදීන්ගේ ජනමාධ්‍යවේදීන්ගේ සංගමය විදියට අපිත් රතුපස්වලට ගියේ තවමත් නොවිසඳුණු රතුපස්වල ගැටලු වලට විසඳුම් ලබාගන්නට සූදානම් වෙන රතුපස්වල සහෝදර මිනිසුන්ව දිරිගැන්වීම සඳහා.

Thursday, August 06, 2015

මට වැරදුණා මං යනව.....

දේශපාලනය.. දේශපාලනය ගැන කොතරම් ලිව්වත් හිතට සහනයක් දැනෙන්න නම් විදියක් නෑ. මොන විදියකට දේශපාලනයට සම්බන්ධ වුණත් දැනෙන්නේ අවුලක්ම විතරයි. බලාපොරොත්තු නෑ. 

දැන් මහ වරදකාර හැඟීමක් එක්ක කොහේහරි යන්න හිතෙනවා. මූණ දෙන්න බැරිව කාටවත්. මගේ අතින් වුණ බරපතළ වැරැද්දක් නිසා. මේ ඉන්න තැන එක්ක පුංචි වැරැද්දක් අපි අතින් වුණත් බරපතළ විදියට ගෙවන්න සිද්ධ වෙනවා. වැරදි වලින් අපි ඉගෙනගත්තත් එකක් ඉගෙනගනිද්දී බරපතළ විදියට අපට ගෙවන්න සිද්ධ වෙනවා. ගෙවීම කරන්නේ අපි නෙවෙයි වෙන කෙනෙක් වෙන්නත් පුළුවන්. ( මා කරපු වැරැද්දත් එක්ක මම ලියනවා. මේක කාටවත් නොතේරෙන අණ්ඩර සිංහලයක් වෙන්න පුළුවන්. ඉන්න තේරෙන තැනකට ගේන්න.)

ඊයේ පෙරේදා දවසක ලක්ෂාන් මධුරංගගේ කවි පොත එළිදක්වන උත්සවේදී විමල් කැටිපෙආරච්චි අයියා කළ කතාව මතක් වෙනවා.එතැනට එන්න පුළුවන්. (මම මෙතැනින් එහාට තැනින් තැන උපුටාගෙන හයිලයට් කරන්නේ කැටපෙ අයියාගේ කතාවේ කොටස්. සම්පූර්ණ කතාව මෙතැනින්)

Wednesday, August 05, 2015

අඩෝ රනිල, පොලිසිය එක්ක පිස්සු කෙළින්න එපා....


ප්රජාතන්ත්රවාදය හා යහපාලනය මාස හයකින් උදා වී ඇතැයි අගමැති රනිල් සහ ඇමතිවරුන් තැන් තැන් වල කියමින් යයි. පොලිසියත් ස්වාධීන වී ඇතැයි ජෝන් වැල් ජෝන්ලා කියමින් යයි. මෑත දිනයක හමුවූ කොළඹ පැත්තේ පොලිස් නිලධාරියෙක්ද කීවේ පෙර තිබුණාට වඩා දැන් නිදහසක් තිබෙන බවයි. මෙය සාපේක්ෂව අල්ලා ගත්තේ නැතිනම් තව ටික කළෙකින් යූඇන්පී ආණ්ඩුව ස්ථාවර වූ පසු අපට සිදු වන්නේ නැවතත් අර නිදහස නැතැයි කියමින් දුක් වන්නටය.
ප්රධාන පක්ෂ දෙක අනෙකාගේ වැරදි මාරුවෙන් මාරුවට පෙන්වමින් වසර හැටහතක් ලංකාව පාලනය කොට තිබේ. ඔවුන් උදා කළ ප්රජාතන්ත්රවාදයක් නැත. අප ලබා ගත යුත්තක් මිස ඔවුන් උදා කර දෙන්නක් නොවේ ප්රජාතන්ත්රවාදය.
 අප මහින්ද විරෝධී නිසා රනිල්වාදී වුවහොත් වන්නේ ඉඟුරු දී ඉඟුරුම හෝ මිරිස් ගත්තා වීමය. (දැන් වෙලාවේ හැටියට නම් රනිල් මහින්දට වඩා සිය ගුණයක් හොඳයි. වැඩේ කියන්නේ සාමන්ය පාලකයෙක්ට වඩා මහින්ද දහස් ගුණයක් නරක වීම. එතකොට රනිල් සිය ගුණයක් අවුල් කියල ගණන් හදාගන්න වෙනවා.)

Tuesday, August 04, 2015

පාඨලී 'බනිස් බෙදනවා! ස්මාට් ෆෝන් බෙදනවා!'

ජාතික හෙළ උරුමයේ නායක ජාතික චින්තනයේ පෙරමුණු ගැසූ බයිසිකල් වලින් මැතිවරණ කැම්පේන් කළ පාඨලී චම්පික රණවක මහතාගේ උපන්දිනය (ආරංචි වුණ විදියට) ඊයේට යෙදී තිබුණි.
මැතිවරණයකුත් ළඟ නිසාදෝ චම්පික මෙවර උපන්දිනය ජනමාධ්‍ය සමාජය සමඟ පවත්වන්නට තීරණය කොට තිබුණි. ඒ චොකලට් ගෑ බනිස් (ඩෝනට්මත් නෙවෙයි ඩෝනට් හැඩේ එකක්) මාධ්‍ය ආයතන වලට බෙදමිණි. 

හැබැයි චම්පිකයා එවූ බනිස් වල අමුතු එකකුත් තිබුණි. ඒ අයිසින් වලින් බනිස් උඩ අංක එක ගසා තිබීමයි. එක චම්පිකගේ මැතිවරණ අංකයයි. චම්පිකගේ පළවෙනි උපන්දිනයද නොවන නිසාය. (උපන්දිනෙත් අපි එක්ක සමරන නිසා චම්පිකයා කියල මිත්‍ර ලීලාවෙන් කතා කොරන්නං) 
රාවයට බනිස් ආවේ අමුතු විදියකටය. 

රාවයට ආ බනිස් වල එක ගසා නොතිබුණි. එව්වේ කා විසින්ද කියා නොතිබුණි. කර්තෘ මණ්ඩලයටද  නොව පිළිගැනීම් අංශයට ‍බනිස් ලබාදී තිබුණි. (කොහොමහරි පාඨලී රාවයටත් බනිස් කැව්වා)

Monday, August 03, 2015

රියල් වැඩකාරයා රාවයේ නන්දෙ අයියා..


නන්දසිරි ධර්මරත්න

'බ්ලැක් ඇන්ඩ් වයිට් පත්තරේක ලේයවුට් එකට සම්මාන දෙන්නෙ කොහොමද?'

Wednesday, July 22, 2015

භාෂණයේ නිදහස, මාධ්‍ය නිදහස හා මාධ්‍ය උන්නතිය පිළිබද දේශපාලන පක්ෂවල සැබෑ කැපවීම පෙන්වන තෙක් ඡන්දදායක රටවැසියන් මහත් අපේක්ෂාවෙන් පසු වේ.

  • ජනමාධ්‍ය ප්‍රතිව්‍යුහගතකරණය පිළිබඳ සමුළු ලේකම් කාර්යාලය
  • ශ්‍රී ලංකා පුවත්පත් ආයතනය (SLPI)
  • නිදහස් මාධ්‍ය ව්‍යාපාරය (FMM)
  • ශ්‍රී ලංකා වෘත්තීය ජනමාධ්‍යවේදීන්ගේ සංගමය
  • ශ්‍රී ලංකා පත්‍රකලාවේදීන්ගේ සංගමය
  • ප්‍රාදේශීය මාධ්‍යවේදීන්ගේ ජාතික සංධානය
  • ප්‍රජා ගුවන්විදුලි මාධ්‍යවේදීන්ගේ ජාතික කමිටුව
  • තරුණ ජනමාධ්‍යවේදීන්ගේ සංගමය
  • ශ්‍රී ලංකා මුස්ලිම් ජනමාධ්‍යවේදීන්ගේ සංගමය
  • යාපනය ජනමාධ්‍යවේදීන්ගේ සංගමය (Jaffna Press Club)
එක්ව කරන ප්‍රකාශනයකි.
Media Reform Recommendations for Political Party Commitment prior to Sri Lanka General Election 2015. Press Conference at Sri Lanka Press Institute, 21 July 2015

2015 ජනවාරි 8 ජනාධිපතිවරණයෙන් පසු ශ්‍රී ලංකාව භාෂණයේ හා මාධ්‍ය නිදහස පිළිබඳව යම් මට්ටමක සාධනීය තත්ත්වයක් ඇති කර ගැනීමට සමත් වූ බව පෙනෙන්නට තිබේ.
මාධ්‍ය ආයතන හා මාධ්‍යවේදීන් වෙත එල්ල වූ බලපෑම් හා තර්ජන වැලැක්වීමට ගත් ක්‍රියා මාර්ග, පදනම් විරහිත ලෙස අවහිර කරන ලද දේශපාලනික වෙබ් අඩවි නැවත නිදහස් කිරීම, තොරතුරු දැන ගැනීමේ අයිතිය 19 වන ව්‍යවස්ථා සංශෝධනයේදී මුලික අයිතිවාසිකමක් ලෙස පිළි ගැනීම, දේශපාලනික හේතුන් මත රට හැර ගොස් සිටින ජනමාධ්‍යවේදීන්ට නැවත ශ්‍රී ලංකාවට පැමිණෙන ලෙසට රජය විසින් කරනු ලබන විවෘත ආරාධනා, වැනි පියවර මේ බවට මූලික නිමිති සපයයි.
කෙසේ වෙතත් භාෂණයේ නිදහස හා මාධ්‍ය නිදහස වර්ධනය කිරීම සඳහා තවත් කටයුතු රාශියක් ඉතිරි වී ඇති බව අපගේ අදහසයි. ඉදිරි මහ මැතිවරණයෙන් පසු තේරී පත් වන නව පාර්ලිමේන්තුව නියෝජනය කරන සියලුම දේශපාලන පක්ෂ මෙම ප්‍රතිපත්තිමය, නීතිමය, ව්‍යුහාත්මක වෙනස්කම් සඳහා අවශ්‍ය වන දේශපාලනික කැපවීම ප්‍රදර්ශනය කරනු ඇතැයි යන්න අපගේ අපේක්ෂාවයි.
මේ කරුණු සැලකිල්ලට ගනිමින් ජනමාධ්‍ය නිදහස වර්ධනය කිරීමට හා එහි සාධනීය ව්‍යුහාත්මක වෙනසක් ඇති කීරීම පිළිබඳ පහත සඳහන් නිශ්චිත නිර්දේශ කෙරෙහි සිය කැපවීම ප්‍රකාශ කරන මෙන් 2015 අගෝස්තු 17 වන දින මහා මැතිවරණයට ඉදිරිපත් වන සියලු දේශපාලන පක්ෂවලින් අපි ඉල්ලා සිටිමු.
(මෙම කරුණු පෙළගැස්වීම එහි ප්‍රමුඛතාවය අනුව නොවන බව සලකන්න)
1. තොරතුරු දැනගැනීමේ අයිතිය: පුරවැසියන්ට රජය හා රජයේ ආයතන සතු තොරතුරු ලබා ගැනීමේ අයිතිය නීතියෙන් සම්මත කළ යුතුය. සියලුම මාධ්‍ය පාර්ශවකරුවන්ගේ දායකත්වය සහිතව 2015 මැයි මස සකස් කොට අවසන් කරන ලද තොරතුරු දැන ගැනීමේ අයිතිය පිළිබඳ පනත් කෙටුම්පත නව පාර්ලිමේන්තුව විසින් හැකි තාක් ඉක්මනින් හා දියාරු නොකොට සම්මත කර ගත යුතුය.
2. මාධ්‍ය ස්වයං නියාමනය: 1973 අංක 5 දරණ පුවත්පත් කොමිසම පනත ඉවත් කළ යුතු අතර රජය විසින් පාලනය කරන පුවත්පත් මණ්ඩලය මුළුමනින්ම අහෝසි කළ යුතුය. ඒ වෙනුවට මාධ්‍ය කර්මාන්තය විසින්ම 2003 වසරේ ස්ථාපිත කරන ලද ශ්‍රී ලංකා පුවත්පත් පැමිණිලි කොමිසම ශක්තිමත් කොට සියලු මුද්‍රිත හා විද්‍යුත් මාධ්‍ය ආවරණය වන පරිදි පුළුල් කිරීමෙන් වඩාත් සවිමත් හා සක්‍රිය ස්වයං නියාමන ව්‍යුහයක් ස්ථාපිත කළ යුතුය.
3. නීති විමර්ශනය හා සංශෝධනය: මාධ්‍ය නිදහස කෙරෙහි ප්‍රායෝගිකව යම් යම් සීමා පන වන සිවිල් හා අපරාධ නීති තවමත් මෙරට නීති පොත්වල ඉතිරිව පවතී. ත්‍රස්තවාදය වැලැක්වීමේ පනත, රාජ්‍ය ද්‍රෝහිත්වය පිළිබඳ නීති, අධිකරණයට අපහස කිරීමේ හා පාර්ලිමේන්තු වරප්‍රසාද කඩ කිරීම පිළිබඳ නීති මෙයට ඇතුලත්ය. මේවා විමර්ශනය කොට භාෂණයේ නිදහස හා මාධ්‍ය නිදහස පිළිබඳ ජාත්‍යන්තර ප්‍රමිතීන්ට අනුකූල වන අයුරින් සංශෝධනය කළ යුතුය.
4. ජනමාධ්‍යවේදීන්ට එරහි අපරාධ විමර්ශනය: ඝාතනය කරන ලද, පහරදීම්වලට ලක් වූ, තර්ජනයට ලක් කරන ලද, අතුරුදන් කරන ලද හෝ වෙනත් අයුරකින් හිරිහැරයට ලක් වූ මාධ්‍යවේදීන් හා ජනමාධ්‍ය ආයතන පිළිබඳව අපක්ෂපාතීව විමර්ශනය කොට, වරදකරුවන් නීතිය ඉදිරියට ගෙන ඒමටත්, අගතියට පත් පාර්ශව සඳහා වන්දි ලබා දීමටත් වගකීම දරන ඉහළ මට්ටමේ ස්වාධීන කොමිසමක් පත් කළ යුතුය.
Seetha Ranjanee, Convenor of Free Media Movement of Sri Lanka, speaks at press conference on media reforms: Sri Lanka Press Institute, Colombo. 21 July 2015

5. විද්‍යුත් මාධ්‍ය ක්ෂේත්‍රය නියාමනය: භාෂණයේ නිදහස තහවුරු කරන ජාත්‍යන්තර නීති රීති වලට අනුගත වෙමින් ශ්‍රී ලංකාව තුල විද්‍යුත් මාධ්‍ය විකාශන නියාමනය කළ යුතුය. එසේ කිරීම මගින් රේඩියෝ සහ ටෙලිවිෂන් සඳහා විකාශන සංඛ්‍යාත වෙන් කිරීම විධිමත් ලෙස සැලසුම්කරණය කළ යුතුය. එසේම මහජන සේවා, වාණිජ හා ප්‍රජා යන තල තුන තුළම සේවා සැපයීම සඳහා අවස්ථා සැලසිය යුතුය. එමගින් දේශපාලනික හා වෙනත් පොදු උන්නතියට අදාල තොරතුරු ආවරණය වඩාත් සමබරව හා අපක්ෂපාතීව ගෙන ඒමට විද්‍යුත් මාධ්‍ය ආයතනවලට ඇති වගකීම ඉටු කිරීමට නියාමන බලපෑමක් කළ හැකි වනු ඇත. මහජන අභිලාෂයන් මුදුන්පත් වන අයුරුන් සමස්ත නියාමනය සිදු කළ හැකි පරිදි ස්වාධීන විකාශන අධිකාරියක් ස්ථාපනය කළ යුතුය.
6. ප්‍රජා විද්‍යුත් මාධ්‍ය: විද්‍යුත් මාධ්‍ය ක්ෂේත්‍රය නියාමනය මගින් ප්‍රජා විකාශන සේවා (community broadcasting) උනන්දු කල යුතුය. ජාත්‍යන්තර අර්ථ දැක්වීම් වලට අනුව ප්‍රජා විකාශනයන්හි හිමිකාරිත්වය හා මෙහෙයවීම ප්‍රජාව සතු විය යුතු අතර ඒවාට වඩාත් උචිත හා දරාගත හැකි ලෙස සකස් කරන ලද බලපත්‍ර ක්‍රමවේදයක් හඳුන්වා දිය යුතුය.
7. රාජ්‍ය මාධ්‍ය ප්‍රතිව්‍යුහගතකරණය: මහජනයා සතු රාජ්‍ය මාධ්‍ය ආයතන, බලයේ සිටින පක්ෂයේ ප්‍රචාරක වැඩට යොදා ගන්නා අශීලාචාර සම්ප්‍රදායෙන් දැන්වත් අත්මිදිය යුතුය. රාජ්‍ය විද්‍යුත් මාධ්‍ය ආයතන තුන වන ශ්‍රී ලංකා රූපවාහිනී සංස්ථාව (SLRC), ශ්‍රී ලංකා ගුවන්විදුලි සංස්ථාව (SLBC) ස්වාධීන රුපවාහිනී සේවය (ITN) ස්වාධීන මහජන සේවා ආයතන බවට පත් කළ යුතුය. එමගින් කර්තෘ නිදහස ආරක්ෂා කරන මහජන සේවා සපයන්නෙකු බවට මේ ආයතන කෙමෙන් පරිවර්තනය කළ යුතුය. මෙම ආයතනවලට දේශපාලන බලපෑම් කිරීමට ඉඩක් නැති පරිදි ස්වාධීන ලෙස මුදල් ප්‍රතිපාදන ලැබෙන ක්‍රමවේදයක් සකස් කළ යුතුය. එම ක්‍රියාමාර්ග මගින් එම ආයතනයන්හි මෙතෙක් කිසිදා නොපැවති ස්වාධීනත්වය ටිකෙන් ටික තහවුරු කර ගත හැකිය. ලේක්හවුස් ආයතනයටද (Associated Newspapers Ceylon Limited, ANCL) රාජ්‍ය බලපෑමෙන් ස්වාධීනව කර්තෘ නිදහස භුක්ති විඳීම සඳහා ක්‍රියාදාමයක් සකස් කල යුතුය. ඒ සඳහා සුදුසු ක්‍රියාමාර්ග පිළිබඳ මහජන අදහස් විමසීමක් කළ යුතුය.
Lasantha Ruhunage, President of Sri Lanka Working Journalists’ Association, speaks at press conference at SLPI, Colombo, 21 July 2015

8. මාධ්‍ය වාරණය වැලැක්වීම: කිසිදු මාධ්‍යයක් කිසිවක් ප්‍රකාශනයට පෙර බලධාරීන්ගෙන් අවසර පතන වාරණ ක්‍රම සියල්ල ඉවත් කළ යුතුය. ප්‍රකාශනයෙන් හෝ විකාශයෙන් පසුව කිසිවකුට අගතියක් වේ නම් උසාවියක් මගින් මාධ්‍ය අන්තර්ගතය පරික්ෂා කිරීම සඳහා අවශ්‍ය පියවර ගත හැකිය. (ප්‍රසිද්ධ රැගුම් පාලන පනතද ඇතුළු) වාරණ නීති හා රෙකුලාසි නැවත සලක බැලිය යුතු අතර භාෂණයේ නිදහස හා මාධ්‍ය නිදහස පිළිබඳ ජාත්‍යන්තර ප්‍රමිතීන්ට අනුකූල වන අයුරින් සංස්කරණය කළ යුතුය.
9. දේශපාලන වෙබ් අඩවි සඳහා සීමා ඉවත් කිරීම: ව්‍යවස්ථාවෙන් හා ජාත්‍යන්තර සම්මුතීන් මගින් සහතික කරන ලද භාෂණයේ නිදහස උල්ලංගනය කරන පරිදි සමාජ ජාල හා අන්තර්ජාල අන්තර්ගතය පාලනය නොකළ යුතුය. රට තුළ සිට කියැවීමට නොහැකි වන සේ දේශපාලන වෙබ් අඩවි අවහිර කිරීම කිසිසේත්ම නොකළ යුතුය. රටේ නීතියට නිශ්චිතවම එරෙහි වන (අසැබි රූප ආදිය ඇතුළත්) වෙබ් අඩවි පාලනය කිරීම පිළිබඳ සීමා පැන වීමේදී එය සැම විටම අධිකරණ අධීක්ෂළය යටතේ පමණක් කළ යුතු අතර එමගින් මහජනයාගේ තොරතුරු ලබා ගැනීමේ නිදහසට හා භාෂණයේ නිදහස සඳහා වන මූලික මානව අයිතිවාසිකම්වලට කිසිදු බාධාවක් ඇති නොවිය යුතුය.
10. අවේක්ෂණය වැලැක්වීම: තොරතුරු සමාජයේ ප්‍රගමනය සමග නූතන සන්නිවේදන තාක්ෂනයන් භාවිතය පුළුල් වෙයි. රජය විසින් සියලු පුරවැසියන්ගේ පෞද්ගලිකත්වය ගරු කොට ආරක්ෂා කළ යුතුය. පෞද්ගලික පුරවැසියන්ගේ හා ආයතනවල දුරකථන සංවාද හා විද්‍යුත් සන්නිවේදන අවේක්ෂණය කිරීම (surveillance) රජය විසින් කිසි විටෙකත් දේශපාලන වාසි පිනිස නොකළ යුතුය. අපරාධ විමර්ශනය වැනි විශේෂිත අවස්ථාවන්හිදී පමණක් එවැනි අවේක්ෂණය සඳහා අවසර දිය යුත්තේ අධිකරණ අධීක්ෂණය යටතේ හා නිශ්චිත සීමාවලට යටත් වන පරිදිය.